Laruik Malam di Kadai Etek Juih
Malam makin laruik nan hujan idak jo baranti-ranti do. Alah labiah tigo puluah minik takuruang di kadai etek Juih ko. Nan etek alah mulai mancaliak jo suduk mato. Tando-tando si etek alah mulai bosan mancigok Pamenan. Dari tadi idak baranjak-ranjak tampek duduaknyo.
Mungkin etek Juih manyangko Pamenan ma ambek urang nan ka mambali jaga etek Juih nan angek. Jaga nan baru di goreang jo minyak angek. Ado ubi ado tahu ado godok pisang. Sadonyo baru dibangkik dari kuali.
Nan ujan idak baranti alah sapiriang abih goreang etek Juih. Dibayia alun di mintak alah jo ereang mato. Dek karano hujan alun baranti. Alun nio bapindah duduak dari kadai etek Juih. Makonyo masam rono tek Juih dari tadi.
Gabung dalam percakapan